相信大家都知，5G 係未来发展趋势，必定会对大家日后生活影响深远。但当全世界都讲 5G 网络，唔知大家对呢种新世代上网技术喺现实生活应用上又理解几多呢?要用到 5G 网络，其中有三个主要频段可供传送讯号，分别係 3.5GHz、26GHz 以及 28GHz。香港通讯事务管理局上个月已公布咗 26GHz 以及 28GHz 频段申请者名单，SmarTone 正正榜上有名，惟被誉为最黄金频段嘅 3.5GHz 则要等到今年稍后时间先指配。不过唔紧要，因为 SmarTone 刚同时进行咗 3.5GHz 及 28Ghz 频段测试，而且仲现场展示咗几个现实生活上嘅应用，而家就带大家深入了解一下!
喺 4.5G 到 5G 嘅发展里程碑上，SmarTone 提到早喺 2017 年就成功进行本港首个 5G 技术展示，包括成功完成 FDD Massive MIMO 测试及透过智能手机实时测试 5G 网络。目前虽然政府仍未正式指配 3.5GHz 频段，而 SmarTone 已经获得通讯事务管理局办公室发出的测试准许证，同步进行 3.5GHz 及 28Ghz 频段嘅 5G 网络测试，以取得更多数据进行基站调整设定，为来年服务正式推出而作出更全面嘅準备。
3.5GHz 及 28Ghz 特性及优势之处，5G 岂止于快!
5G 技术所採用嘅 3.5GHz 频段速度可达 1.5Gbps，网络延迟为 7ms 或以下，支援 Massive MIMO 覆盖能力与今天用于 4G 的频谱差不多。而 28GHz 频段速度更可达到 4Gbps 或以上，同时网络延迟缩短至 3ms，不过就如 Wi-Fi 信号一样，会受到环境影响，而且传输距离亦会较 3.5GHz 略短。
因应多种环境实地测试，为日后正式推出作準备
SmarTone 今次特别整咗流动科技车，喺牛头角如心艾朗酒店附近一带设立一个基站以同步进行 3.5GHz 及 28GHz 测试。而且，仲喺唔同天气环境同时段下进行。分别係晴天非繁忙时间、晴天繁忙时间、雨天非繁忙时间及雨天繁忙时间。
▲ 28GHz 讯号覆盖範围测试结果
▲ 3.5GHz 讯号覆盖範围测试结果
由测试可见，正如上文所讲 28GHz 讯号因高频关係比较易受环境影响，覆盖範围会较细，但延迟低，适合提供高流量热点覆盖。而 3.5GHz 则相对稳定，喺咁多个环境之下覆盖範围几乎无受到太大影响。
我地再来睇下货柜车行走时嘅实时测试情况：
▲ 货柜车由基站附近出发，一开始大家见到两个频段讯号稳定，28GHz 速度高达 3.3Gbps 网络延迟低至 2ms;3.5GHz 速度亦超过 1.1Gbps 网络延迟 5ms 左右。同时，充分测试出两个频段特性，28GHz 虽然覆盖较弱，但係讯号同传输速度快，非常合适做热点式覆盖;而 3.5GHz 覆盖範围较广泛，可用以建立室内网络。所以两个频段对 5G 建网都非常重要!
SmarTone 今次同步进行 3.5GHz 及 28GHz 测试，目的就係要获得更多数据参考，为 5G 建网做好规划，等大家到时可以享受一个最佳嘅网络体验。
科技总监邹金根先生提到，现时 SmarTone 已展开 28GHz 及 3.5GHz 频段的 5G 网络测试，日后会再陆续到其他地区进行测试。其中 3.5GHz 频段经加装 Massvie MIMO Extender 后接收範围已经同 4G 的 2100MHz 或 2600MHz 频段相若，表示日后可达到更广的全港覆盖範围。
SmarTone 总裁叶安娜女士提到，5G 网络对于智慧城市嘅发展尤其重要，今日的 5G 网络实时测试为 SmarTone 于香港日后推出世界级嘅 5G 网络做好準备。
5G 网络生活应用，低延迟嘅重要性
每次讲起 5G，相信大家第一时间都会谂起「上网速度比 4G 快」。的确，快就係必然嘅。但係「快」除咗係指「下载速度」快之外，更重要嘅係网络延迟可以比起 4G 缩短多达 50 倍。代表当装置以 5G 网络连接(例如云端电脑)，低延迟性可以提供到近乎即时回应，以作出实时反应。所以，除咗应用喺手机上网之外，物联网更加可以被充分发挥。当中例如自动驾驶系统、机械人应用、教学应用、遥距手术等医学应用等。
一齐来睇睇现场几个 5G 网络现时生活应用示範，等大家了解一下高速网络速度以及低网络延迟嘅重要性：
▲ 5G 嘅高速数据传送以及低延迟性十分适用于教学仪器上，例如呢个「扩展实㬌沙盒」。当用手或铁铲将沙箱内的沙堆成不同地形时，3D 投影机会收集数据作分析及运算，投影机就可以即时喺沙上显示各种地理资料，例如是等高线(以不同颜色表示)。另外，如果将手掌放喺投影机前，手掌嘅阴影仲会被即时解读为云并形成落雨效果。整个操作示範十分流畅，令到大家好似置身喺大自然当中，从而令学生们更加容易理解同吸收教学知识。
▲ AR 技术係现时大趋势，透过 5G 高速网络协助之下就可以满足仿如置身其中嘅体验。例如以上示範，利用 iPad 内嘅地图观看一个市区规划计划的缩微模型。放大到街道水平，等你好似置身于 360 度 混合实境的城市规划体验中。
▲ 签名机械臂，喺平板电脑上手写文字，再经 5G 网络传到云端，机械臂从云端接收指令，立即精确地模仿手写文字，整个过程都好流畅同快速地完成。
▲ 网络延迟低仲有咩特别作用呢?要数应用就多啰，另中一个用途就係机械操作，例如以上影片嘅「包、剪、揼」示範。可以睇到操作者对住机械人出「包、剪、揼」时，左边只机械手会运用 AI 机械学习技术去分析操作者嘅微细动作，透过 5G 低延迟特性即时作出相对应手势，所以基本上机械手每一次都可以赢到操作者。
▲ 讲起 5G 大家都知道下载速度快，但网络延迟低更为重要。透过以上呢个 4G vs 5G 测试示範，大家就可以见到喺同步操作之下，画面左边 5G 嘅机械人仔比起右边 4G 机械人反应速度更加快捷，原因正係受惠于 5G 低网络延迟嘅特性。
5G 网络正喺全球各地急速发展，而电讯商快速反应嘅动作配合就显得极之重要。SmarTone 今次展示出 3.5GHz 及 28GHz 测试结果，证明两种频段只要互相配合之下，其应用範围绝对可以远远超越现时嘅 4G 网络。当然，4G 仍然有其实用性未至于需要急于一时淘汰，未来可以配合 5G 在其他方面上使用，为大家带来更优质生活。
