5G 今年几乎由年头讲到落年尾，至于几时真係可以用到呢?根据之前通讯局拍卖频谱计划时间表，就係 2020 年 4 月 1 日起。不过，要用到 5G 除咗买部 5G 手机外，当然仲要各大电讯商嘅配合，而今日 3HK 举行了传媒预览，当中亦都透露咗大家最关心嘅月费同数据量等资料。
5G 嘅好处相信大家已经最少都听过十次八次，所以都唔洗重複多讲。而现时香港嘅 5G 中至高频等主要频谱方面都已经拍卖完成，现时各家电讯商都获得了一定数目嘅频谱数量，预备抢攻 5G 市场。
▲ 4G vs. 5G 体验，唔洗多讲好处一定係下载速度快约 10 倍
咁到底 5G 出年推出后，月费方面同可用数据量係几多呢?不如先睇睇现时已经推出咗 5G 服务嘅市场收费，其中包括中国内地以及韩国：
▲ 据资料，现时中国内地 5G 收费数据 100GB 起錶价月费为港币 $337，每 GB 费用为 $3 港元
▲ 韩国方面，收费差不多，150GB 月费为港币 $376，每 GB 费用同样为 $3 港元
所以，参考返呢个收费模式同定价，和记电讯香港控股执行董事兼行政总裁古星辉表示，该公司预计明年的 5G 月费入门数据量都会定于 100GB 起步，月费同样会定于港币 3xx 至 4xx 元之间。
由于仲要视乎来年推出嘅手机价格，以及其他市场因素作调整，所以现时仍未有一个确实收费，只可以畀到大家知道一个大概。至于 100GB 用完之后点?佢就话会同而家 4G Plan 一样会限速继续可以上网，但速度会限到几多呢?会唔会係 128Kbps?呢层就无讲啦!
想了解更多 5G 资讯的话，大家可以睇睇过往各大电讯商的测试：
SmarTone 实地测试 5G 黄金频段，5G 网络「岂止于快」!
SmarTone 同步测试 3.5 GHz 及 28 GHz 黄金频段 5G 网络!
CMHK 全港首试 5G 通话，5G 版 Mate 20X 现身测试!
中国移动科学园设 5G 实验室，铜锣湾区安装 28GHz 基站!
14 秒 DL 完 2GB 档案，HKT 实测 5G 网络兼宣布举办 5G 嘉年华
3HK 铜锣湾闹市实测 5G 上网，速度稳定超越 2Gbps!
